Şrift:
Güney azərbaycanlı milli fəal Əli Əzizi məhkəməyə çağırılıb
10.09.2020 [13:04] - Güney Azərbaycan xəbərləri, Güney Azərbaycan-Təbriz
Məhkəmənin Elektron Sistemi tərəfindən göndərilən çağırış vərəqəsinə əsasən, “kiber məkanda yalan yaymaq”da günahlandırılan Əzizi oktyabrın 21-də, Təbriz Cəza Məhkəməsinin 107-ci şöbəsinə müraciət etməlidir.



Milli fəal həmçinin “sistemin əleyhinə təbliğat aparmaq və qanunsuz GAMAC Təşkilatına üzv olmaq”da günahlandırılıb. Bu ittihamlara isə sentyabrın 14-də Təbriz İnqilab Məhkəməsinin 3-cü şöbəsində baxılacaq.



Bundan əvvəl Əzizi və daha 5 güney azərbaycanlı fəal 2019-cu il noyabr etirazlarında Urmiyada keçirilən aksiyalarda iştirak etdiklərinə görə, “ümumi asayişi pozmaq”da ittiham olunaraq 8 ay həbsi əvəz edən 1.5 milyon tümən nağd cərimə və 20 şallaq zərbəsinə məhkum edilmişdilər.



Təhlükəsizlik qüvvələri fevralın 23-də Əzizinin ata evinə müraciət edərək onu yaxalamışdı. Əzizi martın 25-də 500 milyon tümənlik mülki vəsiqə qarşılığında müvəqqəti azadlığa buraxılıb.



Daha sonra təyin edilən mülki vəsiqənin məbləği 650 milyon tümənə qaldırılıb.
Bu xəbər oxucular tərəfindən 88 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed