Ukraynada ağır yol-nəqliyyat hadisəsi baş verib.

Ukrayna Yol Patrul Polisinin saytı xəbər verir ki, sentyabrın 11-də səhər saatlarında Kiyev-Xarkov yolunda iki yük avtomobilinin və mikroavtobusun toqquşması nəticəsində azı 5 nəfər həlak olub, 20 nəfər isə xəsarət alıb.

Hadisəyə səbəb yük avtomobillərindən birinin ötmə qaydasını pozması olub. Nəticədə həmin yük avtomobili qarşıdan gələn avtobusla toqquşub.

Xəstəxanaya yerləşdirilən sərnişinlərin bəzilərinin vəziyyətinin ağır olduğu bildirilir.