Xorasan türklərinin bu məqsədlə yaydıqları bəyanatda deyilir:



Xorasandan can Azərbaycana salamlar!


Xorasan türklərinin milli-mədəni fəalları camiəsi dost və qardaş Azərbaycanın ərazi bütövlüyünü dəstəkləyir və bu ölkənin Ermənistan işğalçı rejimi tərəfindən işğal edilmiş bütün torpaqlarının azad edilməsini istəyir. Milli-mədəni fəalları camiəsi öz ailəsi, yəni Azərbaycan Respublikasını dəstəkləməyi özünə borc bilir.


Azərbaycan torpaqlarının azad edilməsi nə vasitəçilik missiyası, nə də müzakirələrlə mümkün deyil, yalnız islamın qeyrətli və şərəfli oğulları və türk ordusu vasitəsilə reallaşa bilər.


Xorasan türklərinin milli-mədəni fəalları camiəsi özünü Azərbaycan və Türkiyədən, öz növbəsində Azərbaycan və Türkiyəni özündən bilməklə yanaşı, əziz Qarabağımızın azad edilməsi yolunda şərəfli Azərbaycanın türk xalqı və Ordusunun yanında olduğunu bəyan edir.


Xorasan Türklərinin Oyanış Hərakatı