Şrift:
İƏT bəzi fransız məmurların İslam dini ilə bağlı açıqlamalarına münasibət bildirib
24.10.2020 [13:04] - Gündəm, İslam dini
İslam Əməkdaşlıq Təşkilatı (İƏT) bəzi fransız məmurların Fransa-İslam münasibətlərinə zərər vuran açıqlamalarını təəccüblə qarşılayır. Məhəmməd Peyğəmbər haqqında təhqiramiz karikaturaların davamlı şəkildə dərc olunması fonunda İslam Əməkdaşlıq Təşkilatı din pərdəsi altında törədilən terror aktlarını pislədiyini bir daha bəyan edir, həmçinin ifadə azadlığı adı altında dini simvolların təhqir edilməsinə dair hər hansı əsaslandırmanı rədd edir.

İƏT-in rəsmi “Twitter” səhifəsində yerləşdirilən açıqlamada təşkilat istər İslam, istər Xristianlıq, istərsə də Yəhudi dini peyğəmbərlərinin məsxərəyə qoyulmasını pisləməyə davam edəcəyini bildirib.

İƏT İslamı və müsəlmanları terrorla əlaqələndirməyi qəti şəkildə pisləyir, müsəlman cəmiyyətlərini hədəf alan və dünyada yaşayan 1,5 milyarddan çox müsəlmanın duyğularını təhqir edən qərəzli siyasətə yenidən baxılmasına çağırıb.

Din pərdəsi altında törədilən bütün terror aktlarını birmənalı şəkildə qınayan İƏT-in Baş katibliyi bir müddət əvvəl Fransa vətəndaşı Samuel Petinin vəhşicəsinə qətlə yetirilməsini pisləyib.
Bu xəbər oxucular tərəfindən 441 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed