Şrift:
Yaponiya hökuməti koronavirusa qarşı ödənişsiz peyvənd haqqında qanun layihəsini bəyənib
28.10.2020 [10:27] - Gündəm, Sosial
Yaponiya hökuməti koronavirusa qarşı ödənişsiz peyvənd, həmçinin bu zaman əlavə təsirlər və ya digər problemlər yaranacağı halda pulsuz müalicə haqqında qanun layihəsini bəyənib.

Bununla əlaqədar Yaponiya hökuməti peyvəndin hazırlanması ilə məşğul olan ABŞ və Böyük Britaniyanın farmasevtik şirkətləri ilə razılıq əldə edib. Bildirilir ki, Yaponiya ümumi peyvənd vurulmasına 2021-ci ilin birinci yarısında başlamağı planlaşdırır.

Qeyd edilir ki, Nazirlər Kabineti profilaktik peyvəndləmə ilə bağlı qanuna dəyişiklikləri oktyabrın 27-də bəyənib. Layihədə ölkənin bütün əhalisi peyvəndin həyata keçirilməsinə çağırılır. Peyvəndin yerli hakimiyyət orqanları tərəfindən təqdim olunacağı, bunun xərclərinin isə mərkəzi hökumət tərəfindən qarşılanacağı bildirilir.

Qanun layihəsinə görə, peyvəndin vurulmasından sonra sağlamlıqla əlaqədar problem yaranarsa, hökumət bunun müalicəsini öz üzərinə götürəcək. Farmasevtik şirkət yaranan problemlə bağlı ziyan çəkəcəyi təqdirdə də hökumət bunun əvəzində kompensasiya ödəyəcək.
Bu xəbər oxucular tərəfindən 211 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed