“Masimovasif.net” bloqunda Potsdam universitetinin müəllimi, professor Vinfrid Furman ilə müsahibə dərc olunub.

Furman müsahibəsində bildirir ki, Şuşanın azad edilməsindən 24 saat keçməmiş Azərbaycan, Rusiya və Ermənistan rəhbərləri arasında bəyanat imzalandı. Müsahibədə bəyanat ətraflı təhlil olunur. Vurğulanır ki, Türkiyənin bu prosesdə iştirakı onun nüfuzunun daha da artmasına gətirəcək.

Qeyd olunur ki, Azərbaycan 27 il ərzində qanunun aliliyinə, beynəlxalq hüquqa, BMT qətnamələrinin icrasına, eləcə də beynəlxalq birliyin dəstəyinə ümid edib və səbirlə gözləyib. Lakin 27 il ərzində aparılan danışıqlar ərzində əldə edə bilmədiyini 2 aydan az olan qısa bir müddətdə əldə etdi.