Şrift:
Avropa çempionatında daha 3 cüdoçumuz mübarizəyə başlayır
20.11.2020 [10:30] - Gündəm, İdman
Çexiyanın paytaxtı Praqada start götürən Avropa çempionatı davam edir.

Qitə çempionatının ikinci günündə daha 3 idmançımız mübarizəyə qoşulur. Belə ki, 73 kiloqram çəkidə Rüstəm Orucov lüksemburqlu Claudio Nunes Dos Santos, Telman Vəliyev belaruslu Vadzim Şoka, 81 kiloqram çəkidə Murad Fətiyev yerli idmançı Yaromir Musil ilə güclərini sınayacaqlar.

Qeyd edək ki, komandamız artıq ilk medalını qazanıb. Millimizin üzvü Orxan Səfərov (66 kq) uğurla çıxış edərək qızıl medala sahib olub. Bu, 29 yaşlı cüdoçumuzun ilk Avropa çempionluğudur.

Azərbaycanın ümumilikdə 14 idmançısının təmsil olunduğu Avropa çempionatı noyabrın 21-dək davam edəcək.
Bu xəbər oxucular tərəfindən 48 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed