Şabran rayonunda məktəbdə yanğın hadisəsi baş verib.

Fövqəladə Hallar Nazirliyinin mətbuat xidmətindən verilən məlumata görə, ümumi sahəsi 3100 kvadratmetr olan üçmərtəbəli məktəb binasının birinci mərtəbəsində sahəsi 24 kvadratmetr olan otaqda kompüter, faks aparatı, dolab və içərisində sənədlər yanıb. Məktəb binası yanğından mühafizə olunub.

Alov yanğından mühafizə bölmələri tərəfindən söndürülüb.