Şrift:
ABŞ Konqresinin binası qarşısında etiraz aksiyası zamanı 4 nəfər həlak olub
07.01.2021 [11:18] - Xəbərlər, Siyasət
Vaşinqtonun hakimiyyət orqanları ABŞ Konqresinin binası qarşısında etiraz aksiyası zamanı, ümumilikdə, 4 nəfərin öldüyünü təsdiqləyiblər.

ABŞ telekanallarına istinadla xəbər verir ki, bu barədə paytaxt polisinin başçısı Robert Konti mətbuat konfransında bildirib.

O, Konqres binasında bir qadının odlu silahdan açılan atəş nəticəsində öldüyünü deyib. Həmçinin daha 3 ölüm hadisəsinin qeydə alındığını söyləyib, amma həmin insanların ölümünün konkret səbəblərini açıqlamayıb.

Robert Kontinin sözlərinə görə, nümayiş zamanı paytaxt polisinin azı 14 əməkdaşı yaralanıb. Onlardan ikisi xəstəxanaya yerləşdirilib.

Xatırladaq ki, ötən gün ABŞ-ın hazırki Prezidenti Donald Trampın tərəfdarları Konqres binasına soxulub. Qanunvericilər təhlükəsiz yerə təxliyə edilib, amma sonra geri qayıdıblar.
Bu xəbər oxucular tərəfindən 50 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed