Şrift:
Türkiyənin “Anadolu Xəbər Agentliyi” Güney Azərbaycandan xəbər verir; Azərbaycan türk ailəsi övladının şəxsiyyət vəsiqəsini almaq üçün bir neçə aydır mübarizə aparır
26.01.2021 [10:29] - Güney Azərbaycan xəbərləri, Güney Azərbaycan-Təbriz
Cənab Colani müsahibəsində deyib: "Qızım doğulduqdan yeddi ay sonra, dəfələrlə Ərdəbil “Vətəndaşlıq Qeydləri İdarəsi”nə və Tehrandakı “İran Mülki Qeyd Təşkilatı”na müraciət etsəm də, qızım Ayıla kimlik sənədi ala bilməmişəm.



O, 1925-ci ildə İranda hakimiyyətə gələn Pəhləvi sülaləsinin türkləri asimilasiya etmək siyasəti yürütdüyünü və bu prosesin 1979-cu il inqilabından sonra yenə davam etdiyini bildirib.



Güney azərbaycanlı sənətçi müsahibəsində artırıb ki, “onlar yalnız bizim övladlarımıza ad seçməyimizə qarışmaqla kirayətlənmirlər. Bizim türkcə olan tarixi və coğrafi yer adlarımızı dəyişdirib farslaşdırırlar. Buna örnək kimi Ağçay-Sefidrud, savalan-Səbəlan, Qoşaçay-Miyandab, Pəlmə Yer-Por mehr və b. göstərmək olar.”



Görmə problemindən əziyyət çəkən Səccad Colani 1 oktyabr 2020-ci ildə Qarabağın azad edilməsi əməliyyatlarına dəstək aksiyalarına qatıldığı üçün həbs olunaraq işgəncələrə məruz qalmışdır. O, bir ay saxlanılandan sonra girov qarşılığında azadlığa buraxılıb.



İranın bütün əyalətlərinin “Vətəndaşlığın Qeydiyyatı İdar”ələrində dünyaya gələn uşaqlara qoyulacaq adlardan ibarət siyahı var. Valideynlər ancaq bu siyahıda olan adlardan birini övladlarına seçə bilərlər. Siyahıda az sayda türk adlarının olmasına baxmayaraq, başqa adların verilməsi üçün xüsusi komossiyanın icazəsi lazımdır.
Bu xəbər oxucular tərəfindən 60 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed