Şrift:
İrəvana adekvat cavab:“Təhdid nöqtələri susdurulacaq”
05.08.2021 [16:19] - Xəbərlər, Siyasət, Özəl xəbər, Fərəc Quliyev
Sərhəddə Ermənistanın təxribatları davam edir. Düşmən silahı yerə qoymur. Əvvəl Kəlbəcər, sonra isə Naxçıvan istiqamətində ard-arda törədilən provokasiyalar çoxlarının fikrincə, növbəti anti-terror əməliyyatlarını labüd edir.

Milli Dirçəliş Hərəkarı Partiyasının sədri Fərəc Quliyev bu barədə “Sherg.az”a danışdı. O, təxribatlara zəmin yaradan səbəbləri sadaladı:

“Məsələ ondan ibarətdir ki, 10 noyabr üçtərəfli bəyanatına əməl olunmur. Ermənistan müddəaların icra edilməsini ləngitmək məqsədilə vəziyyəti gərginləşdirir. Əgər Rusiya razılığın dördüncü maddəsinə uyğun olaraq erməni yaraqlılarını Qarabağdan çıxarsa idi, belə olmazdı.
Həmçinin kommunikasiya xətlərinin, xüsusilə Zəngəzur dəhlizinin açılmaması, Qarabağdan qovulmuş Azərbaycan türklərinin geri qaytarılmaması xaotik durum formalaşdırır”.

F.Quliyevin fikrincə, Bakı İrəvana adekvat cavab verməlidir:

“Rusiya bilərəkdən maddələrin icrasını gecikdirir və təxribat üçün Ermənistana işarə verir. Beləliklə, yeni gərginlik yaranır və tədricən razılıqlar unudulur. Düşünürəm ki, düşmənin bu addımları davam etsə, müharibə üçün səbəb yaranacaq. Və Azərbaycan təhdid nöqtələrini susdurmağa məcbur qalacaq”.

sherg.az/Kənan Novruzov
Bu xəbər oxucular tərəfindən 491 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed