Pandemiya ilə mübarizə tədbirləri çərçivəsində Amerika Birləşmiş Ştatlarından Özbəkistana humanitar yardımın ikinci hissəsi bu gün səhər saatlarında Daşkənd aeroportunda qəbul olunub.

Yardım ABŞ-ın “Global Jewish Assistance and Relief Network” Fondu və Buxara Yəhudiləri Dünya Konqresi tərəfindən göndərilib.

Humanitar yardıma 31,2 min ədəd N95 maska, 4 min ədəd KN95 və üçqatlı maska, 102 min ədəd ASTMF2100 Level 1 maska və antiseptik vasitələr daxildir.

Xatırladırıq ki, yardımın birinci hissəsi bir həftə əvvəl göndərilmişdi.

Ümumiyyətlə humanitar yardımın birinci və ikinci hissələrində Özbəkistana 271,6 min respirator maska göndərilib.