Səudiyyə Ərəbistanının Ciddə şəhərində İslam Əməkdaşlıq Təşkilatının (İƏT) Baş katibi Yusif bin Əhməd Əl-Osaymin ilə təşkilatın seçilmiş Baş katibi Hissein Brahim Taha arasında görüş keçirilib. görüşdə İƏT Baş Katibliyinin əməkdaşları iştirak ediblər.

Görüşdə İƏT-in hazırkı Baş katibi ilə bu ilin noyabrında fəaliyyətə başlayacaq xələfi arasında təşkilatın fəaliyyət prinsipləri, təşkilati məsələlər ətrafında fikir mübadiləsi aparılıb. Əl-Osaymin yeni Baş katibi bir daha təbrik edərək, ona İslam dünyasının gələcəyi naminə fəaliyyətində uğurlar arzulayıb.

Çadlı diplomat Hissein Brahim Taha ötən il noyabrın 27-28-də Nigerin paytaxtı Niameydə keçirilmiş İƏT Xarici İşlər Nazirləri Şurasının 47-ci sessiyasında 5 il müddətinə təşkilatın Baş katibi seçilib.