Şrift:
Beynəlxalq Əfv Təşkilatı Güney azərbaycanlı vəkilin azadlığını isədi
30.08.2021 [09:55] - Güney Azərbaycan xəbərləri, Güney Azərbaycan-Təbriz
Beynəlxalq Əfv Təşkilatı avqustun 28-də özünün rəsmi “Twitter” hesabında etdiyi paylaşımda İran hökumətindən güney azərbaycanlı vəkil və insan haqları müdafiəçisi Məhəmmədrza Fəqihi, iki başqa vəkil və iki mədəni fəallın azadlığa buraxılmasını tələb edib.

Məlumatda həbs olunan şəxslərin avqustun 14-də insan haqları mövzusunda, vətəndaşların koronovirusa qarşı peyvənd olunma hüquqları ilə bağlı keçirdikləri toplantıda həbs oldunduqları qeyd olunub.

Paylaşımda internet istifadəçilərindən Əli Xamneyinin hesabına ünvanlanan bu twiti yenidən yaymaları və həbs olunan şəxslərin azad edilmələrini tələb etmələri xahiş olunur.

Qeyd edək ki, avqustun 14-də təhlükəsizlik təşkilatının əməkdaşları vəkillər Məhəmmədrza Fəqihi, Arəş Keyxosrəvi, Mustafa Nili və Leyla Heydərini, eləcə də mədəni fəallar Mehdi Mahmudiyan və Məryəm Əfrafərazini həbs ediblər.

Bildirilir ki, fəallar həbs edilmələrindən bir müddət əvvəl İranın təhlükəsizlik qurumları tərəfindən təzyiqə məruz qalıb, xəbərdarlıq alıblar.

Ölkədə koronavirusdan ölənlərin sayının faciə həddinə çatmasından narahat olan vəkillər və mədəni fəaqlların Amerika və Britaniya vaksinlərinin ölkəyə idxalını qadağan edən axund Əli Xamneyiyə qarşı birgə şikayət məktubu hazırladığı bildirilir.
Bu xəbər oxucular tərəfindən 841 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed