Şrift:
Estoniya sərhəddə divar inşasına mühəndislik batalyonunu cəlb edə bilər
07.09.2021 [10:34] - Gündəm, Hüquq
Miqrasiya böhranı Estoniyada da genişlənərsə, ölkənin Müdafiə Qüvvələri sərhəddə hasarın inşası üçün mühəndis bölmələrini göndərməyə hazırdır.

Estoniya mətbuatına istinadla xəbər verir ki, bu sözləri ölkənin Müdafiə Qüvvələrinin komandanı, general-leytenant Martin Herem söyləyib.

“Əgər dövlət sərhədini möhkəmləndirmək məqsədilə Müdafiə Qüvvələrindən dəstək tələb olunarsa, əlimizdə olan bütün vasitələrlə mühəndis batalyonlarının cəlb edilməsinə qədər yardım etməyə hazırıq”, − deyə Müdafiə Qüvvələrinin komandanı bildirib.

Qeyd edilib ki, son aylar ərzində minlərlə qeyri-leqal miqrant Belarusun Litva, Latviya və Polşa sərhədlərini keçib. Bu Avropa İttifaqı ölkələri sərhədlər boyunca tikanlı məftillərdən ibarət baryerlər qurmağa başlayıblar.
Bu xəbər oxucular tərəfindən 2000 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed