Şrift:
Muğanda Abbas Lisaniyə dəstək aksiyası: Divarlara milli şüarlar yazıldı
09.09.2021 [11:32] - Güney Azərbaycan xəbərləri, Güney Azərbaycan-Təbriz
Milli-mədəni fəallar şəhərin müxtəlif yerlərində divar yazıları yazıb, siyasi məhbus Abbas Lisanə azadlıq tələb ediblər.

Divarlara “Azərbaycan var olsun, Lisani azad olsun” məzmunlu şüarlar yazılıb. Şəhərin müxtəlif məhəllələrində divarlara yazılan mili şüarlar insanların diqqətini çəkib.

Qeyd edək ki, Abbas Lisani 2019-cu il yanvarın 15-də məhkəmə iclasına qatılmaq üçün müraciət etdiyi Təbriz İnqilab Məhkəməsinin 2-ci şöbəsində yoxa çıxıb.

Sonradan onun təhlükəsizlik və məhkəmə orqanlarının birgə tədbiri ilə Ərdəbilə aparıldığı məlum olub.

O, 15 il həbs və 2 il Yəzd şəhərinə sürgün cəzasına məhkum olunub.

Lisani hal-hazırda Ərdəbil həbsxanasında məhkumluq dövrünü yaşayır və həbs olunduğu gündən müxtəlif təzyiq və məhrumiyyətlərə məruz qalır.
Bu xəbər oxucular tərəfindən 979 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed