Təbrizin “Traxtur” futbol takımının müsabiqələrində milli hüquqların dilə gətirilməsi İranın təhlükəsizlik qüvvələrini olduqca vahiməyə salıb. Belə ki, hökumət qüvvələri açıq və gizli şəkildə “Traxtur” müsabiqələrində soydaşlarımızın həyəcanını və milli hüquqlar zəminində səsləndirdikləri şüarları boğmaq istəyirlər.

“Traxtur”un iki gün öncə Kərəc şəhərinin İnqilab stadionunda “Saypa” takımı ilə keçirdiyi müsabiqədə, təhlükəsizlik qüvvələrinin təzyiq müxanizminə bir daha şahid olduq. Məlumata görə, ETTELAAT (İran Kəşfiyyat Nazirliyi) qüvvələrindən birisi müsabiqə boyu milli şüarlar səsləndirən soydaşlarımızı diqqət mərkəzində saxlayıb və onlardan şəkil (foto) çəkib. Stadiondan çıxdıqdan sonra isə həmin şəxs “Traxtur” tərəfdarlarından birini yaxalayıb. Lakin ətrafdakı gənclər daşla ona hücum edib və öz soydaşlarını onun əlindən qurtarmağa nail olublar.