Şrift:
Qəbələ rayonunun Laza kəndində dərəyə sürüşən minik avtomobili təhlükəsiz əraziyə çıxarılıb
18.01.2022 [10:22] - Gündəm, Sosial
Qəbələ rayonunun Laza kəndində yolun qarlı-buzlu olması səbəbindən “Toyota” markalı minik avtomobili dərəyə sürüşüb.

Fövqəladə Hallar Nazirliyindən (FHN) bildirilib ki, təhlükənin yaranması, sürücü və sərnişinin soyuq hava şəraitində köməksiz vəziyyətdə qalması ilə əlaqədar FHN-nin "112" qaynar telefon xəttinə məlumat daxil olub.

Məlumatla əlaqədar nazirliyin Şimal-Qərb Regional Mərkəzinin xilasetmə qüvvələri çağırış üzrə сəlb olunublar. Həyata keçirilən xilasetmə tədbirləri nəticəsində avtomobilin təhlükəsiz əraziyə çıxarılması təmin edilib.
Bu xəbər oxucular tərəfindən 230 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed