Şrift:
282 vakansiya üzrə peşə hazırlığı və iş ilə təminat həyata keçiriləcək
25.02.2022 [10:59] - Gündəm, Sosial
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin 11 saylı Ərazi Məşğulluq filialı İstirahət Kompleksləri ilə əməkdaşlığa başlayır.

Agentliyin Strateji kommunikasiyalar departamentindən bildirilib ki, birgə əməkdaşlıq çərçivəsində ilkin mərhələdə 282 vakansiya üzrə uyğun namizədlər seçiləcək, ilk olaraq onlar peşə hazırlığına cəlb ediləcəklər, daha sonra isə məşğulluqları təmin olunacaq.

Vakansiyalar nəqliyyat, təchizat və təminat, kadrlar, qida sahəsi, məişət və təmizlik, qəbul-qeydiyyat, qonaqlama xidməti, idman və əyləncə, təhlükəsizlik olmaqla 71 vəzifəni əhatə edir.

Artıq vakansiyalar üzrə uyğun namizədlərin seçiminə başlanılıb. Vakansiyalarla və vakansiyalara dair tələblərlə tanış olmaq və qeydiyyatdan keçmək üçün 11 saylı Ərazi Məşğulluq filialına müraciət etmək olar.
Bu xəbər oxucular tərəfindən 435 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed