Latviyanın hər yerindən 84 vəkil və 11 hüquq müdafiəçisi müharibə səbəbi ilə doğma vətənlərini tərk etmək məcburiyyətində qalan Ukrayna sakinlərinə təmənnasız hüquqi yardım göstərməyə razılıq veriblər

Latviyanın “Delfi” portalına istinadla xəbər verir ki, hüquqi yardıma ehtiyacı olan Ukrayna vətəndaşları Riqadakı vahid dəstək mərkəzinə müraciət edə, vəkillərin siyahısı ilə tanış ola, siyahıda qeyd edilən istənilən mütəxəssislə əlaqə saxlaya və ya mərkəzdə yerindəcə məsləhət ala biləcəklər.

Bildirilib ki, hüquqi yardım göstərmək istəyən vəkillərin siyahısı daim yenilənir.