Şrift:
Təbriz zindanında saxlanılan milli fəalla bağlı qərar ləğv edilib
08.04.2022 [10:08] - Güney Azərbaycan xəbərləri, Güney Azərbaycan-Təbriz
O, məhbusların cinayətlərinə görə, təsnifatlandırılması barədə qanuna zidd olaraq zindanda narkotik maddə istifadəçiləri və qaçaqmalçıları ilə eyni bölmədə saxlanılır.

Ruzbeh Piri bundan öncə martın 30-da sağlamlıq durumuna görə yerinin dəyişdirilməsi ilə bağlı zindan rəhbərliyinə müraciət edib.

Bir müddət sonra milli fəalı zindanın 12-ci bölməsinə köçürsələrdə iki saatdan sonra onu yenidən öncəki bölməyə qaytarıb, fəalın etirazına cavab olaraq köçürülməsi barədə çıxarılan qərarın yanlış olduğunu deyiblər.

Qeyd edək ki, fevralın 12-də İran hökumətinin təhlükəsizlik məmurları Güney azərbaycanlı milli-mədəni fəal Ruzbeh Pirinin Təbrizdəki ata evinə basqın edərək onu özləri ilə aparıblar.

Sonradan Pirinin bundan öncə “hökumətə müxalif qruplara üzvlük” ittihamına görə məhkum olunduğu 3 il 8 ay həbs cəzasını çəkmək üçün Təbrizin mərkəzi zindanına köçürüldüyü bəlli olub.

“Təbriz” tələbə jurnalının baş redaktoru, "Müstəqil Tələbələrin İslam Cəmiyyəti" təşkilatının qurucularından biri və "Sultan Məhəmməd Fateh" kitabının tərcüməçisi olan Ruzbeh Piri bundan öncə mədəni fəaliyyətlərinə görə dəfələrlə həbs cəzasına məhkum edilib.
Bu xəbər oxucular tərəfindən 2359 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed