Şrift:
İranda azərbaycanlılar ayrıseçkiliyə məruz qalır
30.11.2022 [12:45] - Güney Azərbaycan xəbərləri
İranda assimilasiya siyasəti türk millətinin getdikcə yox olmasına aparır.

Trend-in məlumatına görə, bunu Fransada yaşayan Təbriz əsilli hüquq müdafiəçisi, tarixçi-tədqiqatçı Maşallah Rəzmi bu gün keçirilən “Urmu gölünün harayı” adlı dəyirmi masada çıxış edərkən bildirib.

O qeyd edib ki, Urmu (Urmiya) gölünün ətrafında 16 milyon insan yaşayırdı.

“İranda azərbaycanlılar ayrıseçkiliyə məruz qalır. Onlar istəyirlər ki, azərbaycanlılar inkişaf etməsin. İranda bizim tariximizi təhrif edirlər, mədəniyyətimizi, iqtisadiyyatımızı məhv edirlər.
Təbriz yaxınlığında "Əndəryan" qızıl mədəni yerləşir. Ordan nə qədər qızıl çıxarıldığı və hara getdiyi haqda xalqa hesabat verilmir. İkinci ən böyük mis mədəni “Süngün”dən çıxarılan mis ya Kirmana aparılır, ya da Çinə ixrac edilir. Sərvətlərimiz talanır və xalqa heç bir açıqlama verilmir. ”, - deyə M.Rəzmi bildirib.
Bu xəbər oxucular tərəfindən 1503 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed