“Ermənistan İranla beynəlxalq hüquq çərçivəsində əməkdaşlıq edir. Amma İrana qarşı sanksiyalar Ermənistana da təsir edir” bunu “Kommersant” qəzetinə müsahibəsində Ermənistan prezidenti Serj Sarkisyan deyib. O bildirib ki, iki ölkə arasında hidroenergetika sahəsində maraqlı əməkdaşlıq mövcuddur və hal-hazırda İranla Ermənistanı birləşdirəcək yeni yolun çəkilməsi üzrə intensiv iş gedir. Gələcəkdə isə dəmir yolunun inşası üzrə layihənin həyata keçirilməsi planlaşdırılır.

S. Sarkisyan xatırladıb ki, İranda iri erməni diasporu var və iki ölkə arasında çoxəsrlik dostluq mövcuddur.