Təbrizin səhənd stadionunda başladılan futbol müsabiqəsi bu dəqiqələrdə “Traxtur” takımının xeyirinə yekunlaşdı.
İran üzrə futbol klublarının superliqa rəqabətlərinin 27-ci həftəsində keçirilən müsabiqədə Təbrizin “Traxtur” futbol takımı Şirazın “Fəcr-i Sepasi” takımı ilə qarşılaşdı.
“Traxtur” takımı (3 – 1) hesabı ilə qarşı takımı məğlubiyyətə uğratdı. “Traxtur” tərəfindən Flavyu Lupez və Mehdi Seyid Salehi qol vurdular.
Bu qələbədən sonra “Traxtur” 52 imtiyazlı oldu və müvəqqəti olaraq cədvəlin 1-ci yerinə yüksəldi.
Qeyd edək ki, müsabiqədə 20000 nəfərdən çox “Traxtur” tərəfdarı tamaşaçılar qismində iştirak edib. Həmçinin tamaşaçılar qismində bir neçə millət vəkili və Şərqi Azərbaycanın valisi də iştirak edib.