davam.az - BÜTÖV AZƏRBAYCAN ADINA! > Gündəm, Mədəniyyət > “Türkologiya” jurnalında xarici ölkə alimlərinin məqalələri də yer alıb
“Türkologiya” jurnalında xarici ölkə alimlərinin məqalələri də yer alıb |
|
Azərbaycan Milli Elmlər Akademiyasının (AMEA) rəyasət heyətinin təsis etdiyi beynəlxalq “Türkologiya” jurnalının 2017-ci il üçün birinci nömrəsi çapdan çıxıb.
İnstitutdan bildiriblər ki, bu barədə məlumat verən jurnalın məsul katibi Elçin İbrahimov jurnalın bu nömrəsində Azərbaycan, türk, ingilis və rus dillərində Azərbaycan, Türkiyə, Qazaxıstan, Yaponiya, Polşa, Misir, Rusiya alimlərinin məqalələrinin yer aldığını vurğulayıb. AMEA-nın rəyasət heyətinin qərarı ilə jurnal artıq daha geniş istiqamətləri əhatə edir. Beynəlxalq elmi jurnalın bu nömrəsində “Türkoloji irs”, “Ədəbiyyat və folklor”, “Yazılı abidələr” rubrikalarında yer alan nəzəri məqalələr, həmçinin akademik Ağamusa Axundovun 85 illik yubileyinə həsr edilən yazılar, “Ağamusa Axundov-85” rubrikasında, “Türkoloji mərkəzlər”, “Elmi həyat”, “Personalia”, “Nekroloqlar” bölmələrində toplanan materiallar oxucuların marağına səbəb olacaq. Beynəlxalq elmi jurnalın qayəsi “Sovetskaya türkologiya” jurnalının ənənələrinin davamı və türkologiyanı təkcə bu elmi istiqamətin deyil, digər elm sahələrinin mütəxəssisləri üçün də maraqlı etməkdir. Qeyd edək ki, beynəlxalq “Türkologiya” jurnalı ildə dörd dəfə, üç aydan bir nəşr olunur. Jurnalın növbəti buraxılışları üçün məqalə qəbulu davam edir. Jurnalla bağlı ətraflı məlumat: www.turkologiya.org səhifəsindən əldə etmək olar. Geri dön |