davam.az - BÜTÖV AZƏRBAYCAN ADINA! > Gündəm, Siyasət > Devid MakAlister: "Aİ Ermənistan və Azərbaycanı danışıqları bərpa etməyə çağırır"
Devid MakAlister: "Aİ Ermənistan və Azərbaycanı danışıqları bərpa etməyə çağırır" |
|
"Avropa ölkələri Ermənistan-Azərbaycan qoşunlarının qarşıdurma xəttindəki insidentlərdən narahatdırlar".
Bunu Yerevanda jurnalistlərə açıqlamasında Avropa Parlamentinin Xarici Əlaqələr Komitəsinin yeni sədri, Avropa Xalq Partiyasının Almaniyadan olan deputatı Devid MakAlister bildirib. "İnsan tələfatı ilə nəticələnən Dağlıq Qarabağ münaqişəsi zonasındakı qoşunların qarşıdurma xəttindəki insidentlər Brüsseli narahat edir. Avropa İttifaqı (Aİ) münaqişə tərəflərini danışıqları qeyd-şərtsiz ATƏT-in Minsk qrupunun təklifləri əsasında bərpa etməyə çağırır" - o deyib. Devid MakAlister qeyd edib ki, Dağlıq Qarabağ zonasındakı status-kvo möhkəm deyil: "Münaqişənin hərbi yolla həlli yoxdur, beynəlxalq hüquq normaları çərçivəsində nizamlanmalıdır. Aİ ATƏT-in Minsk qrupunun bu istiqamətdəki səylərini dəstəkləyir, tərəfləri atəşkəs rejiminə əməl etməyə və münaqişənin sülh yolu ilə həlli üçün üzərlərinə götürdükləri öhdəlikləri yerinə yetirməyə çağırır". Geri dön |