Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Soçidə Rusiya, Türkiyə, İran liderlərinin görüşü keçirilib
davam.az - BÜTÖV AZƏRBAYCAN ADINA! > Xəbərlər, Siyasət > Soçidə Rusiya, Türkiyə, İran liderlərinin görüşü keçirilib

Soçidə Rusiya, Türkiyə, İran liderlərinin görüşü keçirilib


Soçidə Rusiya, Türkiyə, İran liderləri Vladimir Putin, Rəcəb Tayyib Ərdoğan, Həsən Ruhaninin görüşü keçirilib.

Suriya münaqişəsinin nizama salınması, Suriya Məşvərət Komitəsinin yaradılması və digər məsələlərin müzakirə olunduğu Sammitdən əvvəl Rusiya Prezidenti Türkiyə və İran liderləri ilə təkbətək görüşüb.

Sammitdən sonra keçirilən mətbuat konfransında Suriyada atəşkəsə nail olunması məhz Astana prosesi iştirakçılarının səyləri kimi qiymətləndirilib. Tərəflər İdlibdə cəm olmuş terrorçularla mübarizə, Suriyanın ərazi bütövlüyünün qorunub saxlanması, ölkə ərazisinin Suriya qoşunlarının nəzarətinə verilməsi, suriyalı qaçqınların vətənə dönməsi, Suriyaya humanitar yardım göstərilməsi və digər məsələlərə toxunublar. Rusiya Prezidenti Vladimir Putin çıxışında qeyd edib ki, ölkəsi separatizmlə bağlı heç nəyi dəstəkləmir və suriyadaxili dialoq dövlətin və cəmiyyətin tam bərpa olunması ilə nəticələnməlidir.

Mətbuat konfransından sonra Sammit iştirakçıları işgüzar şam yeməyinə dəvət olunublar. Burada onlara Rusiyada səfərdə olan Belarus Prezidenti Aleksandr Lukaşenko da qoşulub.

Fəridə Abdullayeva

Geri dön