Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Yaponiya Olimpiya Oyunları zamanı ABŞ aviabazasından istifadə etmək istəyir
davam.az - BÜTÖV AZƏRBAYCAN ADINA! > Gündəm, İdman > Yaponiya Olimpiya Oyunları zamanı ABŞ aviabazasından istifadə etmək istəyir

Yaponiya Olimpiya Oyunları zamanı ABŞ aviabazasından istifadə etmək istəyir


Yaponiya hökuməti ABŞ-dan Tokioda 2020-ci ildə keçiriləcək Olimpiya Oyunları zamanı ona məxsus aviabazadan istifadə üçün icazə verməsini xahiş edib.

Yerli KİV-lər xəbər verir ki, ABŞ hərbçiləri Tokionun yaxınlığında yerləşən Yokota aviabazasında mülki reyslərin qəbulunun mümkünlüyünü araşdırırlar.

ABŞ hərbçilərinin bildirdiyinə görə, Yaponiya hökuməti Olimpiya və Paralimpiya Oyunları zamanı beynəlxalq reyslərin sayının artacağını nəzərə alaraq belə bir xahişlə müraciət edib.

Qeyd edək ki, Yaponiya və ABŞ Yokota aviabazasından həm hərbi, həm də mülki uçuşların həyata keçirilməsini artıq uzun müddətdir ki, müzakirə edirlər. Lakin həmin məsələdə hiss ediləcək irəliləyiş əldə edilməyib. ABŞ hərbçilərinin qənaətinə görə, belə birgə istifadə operativ hərbi hazırlığa məhdudiyyət yarada bilər.

Hazırda aviabazadan yalnız Olimpiya Oyunları zamanı istifadənin mümkünlüyü araşdırılır. Tokioda keçiriləcək Olimpiya və Paralimpiya Oyunlarının uğurlu təşkilini dəstəklədiklərini qeyd edən ABŞ silahlı qüvvələrinin zabiti, məsələ ilə bağlı qərarın tezliklə qəbul edilməsinə çalışdıqlarını bildirib.

Qeyd edək ki, Tokionun Tama rayonunda yerləşən Yokota aviabazası altı bələdiyyəni əhatə edir. Onun uçuş-enmə zolağının uzunluğu 3350 metr təşkil edir ki, bu da onu Yaponiyadakı ən uzun uçuş-enmə zolaqlarının siyahısına daxil edib.

Vüqar Ağayev

Geri dön