davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > İran Hörmüz boğazını bağlamağa çalışmır
İran Hörmüz boğazını bağlamağa çalışmır |
|
Hörmüz boğazı dünya iqtisadiyyatı üçün strateji əhəmiyyət kəsb edir və İran bu boğazı bağlamağa çalışmır.
Bu sözləri İran Silahlı Qüvvələrinin Baş Qərargah rəisi general Məhəmməd Baqeri deyib. General diqqətə çatdırıb ki, İranın boğazdakı hərbi gəmiləri həmişə xoş niyyətli olub. Lakin buradakı xarici hərbi kontingent sabitliyi pozmağa çalışsa, İran onların layiqli cavabını verəcək. M.Baqeri vurğulayıb ki, Hörmüz boğazının təhlükəsizliyini İran təmin edir və boğaz tam olaraq İran hərbi donanmasının nəzarətindədir. Xatırladaq ki, Hörmüz boğazı körfəz ölkələri üçün olduqca mühümdür. Körfəz ölkələri istehsal etdikləri nefti məhz bu boğaz vasitəsi ilə dünya bazarına çıxarırlar. İran istisna olmaqla körfəz ölkələri isə ABŞ-ın müttəfiqləridirlər. Ötən həftə ABŞ İran neftinin dünya bazarına çıxarılmasını tamamilə qadağan etdikdən sonra İran İslam İnqilabı Keşikçiləri Korpusu bəyan etdi ki, Hörmüz boğazını bağlayaraq ABŞ-ın regiondakı müttəfiqlərinə də dünya bazarına neft çıxarmağa imkan verməyəcək. Rabil Kətanov Geri dön |