Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Daha bir marşrut xəttinin avtobusları yeniləndi
davam.az - BÜTÖV AZƏRBAYCAN ADINA! > İqtisadiyyat > Daha bir marşrut xəttinin avtobusları yeniləndi

Daha bir marşrut xəttinin avtobusları yeniləndi


“Vətən.AZ-Trans” MMC tərəfindən ölkəyə yeni sərnişin avtobusları gətirilib.

Bakı Nəqliyyat Agentliyindən verilən məlumata görə, avtobuslar iyulun 7-dən 46 nömrəli müntəzəm marşrut üzrə istismara veriləcək. Qarşıdakı aylarda 46 saylı xətt üzrə gediş haqqı ödənişi nağdsız qaydada “BakıKart” vasitəsi ilə aparılacaq. Artıq bununla bağlı müvafiq işlər görülür.

“İsuzu Citibus” markalı avtobuslar "Avro 5" standartlarına cavab verməklə yanaşı, sərnişinlərə göstərilən xidmətin keyfiyyətinin artırılmasına imkan verir. Yeni avtobuslardan fiziki imkanları məhdud şəxslər, eləcə də uşaq arabası ilə olan sərnişinlər rahat istifadə edə biləcək. Bunun üçün avtobuslarda xüsusi mexanizm quraşdırılıb.

Onu da qeyd edək ki, avtobus parkının yenilənməsi işləri çərçivəsində ölkə başçısının müvafiq sərəncamına əsasən, paytaxta 300 nəqliyyat vasitəsi gətiriləcək. Avtobusların ilk hissəsinin avqust ayında gətirilməsi nəzərdə tutulub. Gətirilən avtobusların 20 ədədi 18 metrlik olacaq.

Geri dön