Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Həmədan aşıqları haqda qələmə alınan nəfis əsər işıq üzü görüb
davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Həmədan aşıqları haqda qələmə alınan nəfis əsər işıq üzü görüb

Həmədan aşıqları haqda qələmə alınan nəfis əsər işıq üzü görüb


Həmədan əyalətinin aşıqları və bölgənin aşıq sənətindən bəhs edən “Bərdəstan-i Əlvənd” kitabı işıq üzü görüb.

Kitabın müəllifi Qadir Şəhsəvari uzun illər gənc aşıqlar üzərində araşdırma apardıqdan sonra belə bir əsər yaradıb. Kitab “Surə” Nəşriyyatı tərəfindən nəşr olunub.

Qadir Şəhsəvari kitabın müqəddəməsində aşıq sənətini türk ədəbiyyatı, tarixi və mədəniyyətinin qiymətli mirası kimi dəyərləndirib. O qeyd edib ki, əsəri yazmaqdan məqsəd digər məntəqələrlə oxşarlıq və fərqini nəzərə alaraq Həmədanın türk musiqisinin tarixinə işarə etmək və bu qiymətli xəzinəni qoruyub saxlamaqdır.

Kitabın sonunda Həmədan aşıqlarının ifa etdiyi 30 aşıq mahnısı dərc olunub, bu hissə kitabın dəyərini daha da artırıb.

Dədə Heydər, Ustad Haqrza Fitri, Maşallah Rəssam, Əmir Fərahani, Fərəculla Xoşqiyafə, Xudayar Əliyar və daha bir neçə ustad saz-söz adamı Həmədan Əyalətinin məşhur aşıqlarından sayılır. Onların əksəriyyəti yaşlansa da yenə də aşıq sənətini inkişaf etdirmək üçün əllərindən gələni edirlər.

N.S

Geri dön