davam.az - BÜTÖV AZƏRBAYCAN ADINA! > Gündəm, İqtisadiyyat > Türkiyədə Azərbaycan-Belarus traktor yığım zavodunun tikintisi başa çatmaq üzrədir
Türkiyədə Azərbaycan-Belarus traktor yığım zavodunun tikintisi başa çatmaq üzrədir |
|
Türkiyənin Kırıkkale şəhərində Azərbaycan-Belarus traktor yığım zavodu (Azerbaijan-Turkey Uretim Birliyi Traktor, ATUB), ilkin məlumatlara görə, sentyabrın sonlarından fəaliyyətə başlaması gözlənilir.
Davam.az xəbər verir ki, bu barədə "Report"a zavodun həmdirektoru Murad İsmayılov məlumat verib. “İnşaat işləri 99% tamamlanıb. Paralel olaraq traktorların istehsalı üçün bir sıra məcburi icazələrin alınması üçün işlər aparılıb", - deyə M.İsmayılov bildirib. Əvvəlcədən zavodun təntənəli açılışı iyulun sonlarına planlaşdırılmışdı. Zavodun fəaliyyətinin ilk üç ilində illik istehsal həcmi 500-dən 3 min traktora qədər artırılacaq. Türkiyənin traktorlara illik tələbatı 70 min ədədə yaxın olduğundan ilk 1-1,5 ildə traktorlar daxili bazarı təmin etmək məqsədi ilə istehsal ediləcək, amma gələcəkdə traktorların xarici bazarlara, xüsusən də Afrika ölkələrinə tədarükü planlaşdırılır. Minsk traktorlarının Türkiyədə yığımı uzun illərdir Minsk Traktor Zavodu ilə əməkdaşlıq edən Gəncə Avtomobil Zavodunun dəstəyi ilə təşkil ediləcək. Bu layihəyə ilkin investisiya həcmi 17 milyon dollar təşkil edir. Pay nisbəti 50:50-dir. Gəncə Avtomobil Zavodu layihədəki payını Azərbaycan və Türkiyə investorlarından cəlb olunan vəsait hesabına yatırır. Geri dön |