Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Dövlət Sosial Müdafiə Fondunun müraciəti
davam.az - BÜTÖV AZƏRBAYCAN ADINA! > Sosial > Dövlət Sosial Müdafiə Fondunun müraciəti

Dövlət Sosial Müdafiə Fondunun müraciəti


Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu Səbail və Yasamal rayonları üzrə pensiya alan və pensiya təyinatı ilə bağlı müraciət etmək istəyən şəxslərlə bağlı elan verib. Nazirliyin İctimaiyyətlə əlaqələr və kommunikasiya şöbəsindən daxil olan elanda deyilir: “Nəzərinizə çatdırılır ki, vətəndaşlara göstərilən xidmət səviyyəsinin artırılması məqsədilə Dövlət Sosial Müdafiə Fondunun ləğv edilmiş Səbail və Yasamal şöbələri üzrə aşağıdakı kateqoriyadan olan pensiya alan şəxslərin pensiya işləri Dövlət Sosial Müdafiə Fondunun Xüsusi Şərtlərlə Pensiya İdarəsinə köçürülmüş və həmin şəxslərin əmək pensiyalarının ödənişi 2019-cu ilin dekabr ayından etibarən hər ayın 13-16 aralığında həyata keçiriləcəkdir:
1. “Əmək pensiyaları haqqında” Azərbaycan Respublikası Qanununun 9.1-ci maddəsinə əsasən əmək şəraitinə görə güzəştli pensiya təyin edilmiş şəxslər;
2. “Əmək pensiyaları haqqında” Azərbaycan Respublikası Qanununun 20-ci maddəsinə əsasən əmək pensiyasına qulluq stajına görə əlavələr müəyyən edilməsi ilə pensiya təyin edilmiş şəxslər, o cümlədən
- Dövlət qulluqçuları;
- Xüsusi rütbəli şəxslər (prokurorluq, ədliyyə və vergi orqanlarının işçiləri və s.);
- Milli Məclisin deputatları;
- MSK-nın və Hesablama Palatasının üzvləri;
- Ədliyyə orqanlarının mülki işləri;
- Məhkəmə hakimləri;
- “Əmək pensiyaları haqqında” Azərbaycan Respublikası Qanununun 20-ci maddəsinin əhatə dairəsinə düşən digər şəxslər.
Yuxarıda qeyd olunan əmək pensiyası kateqoriyasının əhatə dairəsinə düşən pensiya alan şəxslər və pensiya təyinatı ilə bağlı müraciət etmək istəyən şəxslərin əlavə sualları olduğu təqdirdə Dövlət Sosial Müdafiə Fondunun Xüsusi Şərtlərlə Təyinat İdarəsinə müraciət edə bilərlər. Ünvan: Bakı şəhəri, Binəqədi rayonu, Ziya Bünyadov prospekti – 43, Əlaqə nömrəsi: (012) 563-55-46.

DAVAM.AZ

Geri dön