Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Qəzvinli Türk qadın bələdiyyə başçısı istefa verdi
davam.az - BÜTÖV AZƏRBAYCAN ADINA! > Güney Azərbaycan xəbərləri > Qəzvinli Türk qadın bələdiyyə başçısı istefa verdi

Qəzvinli Türk qadın bələdiyyə başçısı istefa verdi


Güney Azərbaycanın Qəzvin əyalətinin Məhəmmədiyyə Şəhər Şurasının sözçüsü şəhərin bələdiyyə başçısı Məryəm Nəxostinin istefa verdiyini açıqlayıb. Ümid Münfərib bu barədə yanvarın 22-də “Fars” xəbər agentliyinə danışıb.
“Məryəm Nəxostin bu gün Şəhər Şurasının iclasına qatılaraq istefa ərizəsini rəyasət heyətinə təqdim edib.”- deyə o diqqətə çatdırıb. Şura sözçüsü Məryəm Nəxostinin istefasının səbəbi barədə hər hansı məlumata malik olmadığını bildirsə də, bələdiyyə başçısının isatefasının Şəhər Şurası tərəfindən qəbul olunduğunu bildirib.
Məhəmmədiyyə, Güney Azərbaycan Qəzvin Əyalətinin önəmli şəhərlərindən biridir. Bu şəhər Məhəmmədiyyə məntəqəsinin mərkəzi sayılır.
Qeyd edək ki, bir müddət əvvəl yerli mətbuat orqanları Məhəmmədiyyə şəhərinin bəzi məsullarının maliyyə pozuntuları ilə əlaqədar saxlanılacağı barədə məlumat yaymışdır. Qəzvinin Əyalətinin ilk və yeganə qadın bələdiyyə başçısının bu ərəfədə istefa verməsi xüsusi diqqət çəkir.

DAVAM.AZ
“Təbriz Bürosu” (Güney Azərbaycan)

Geri dön