davam.az - BÜTÖV AZƏRBAYCAN ADINA! > Güney Azərbaycan xəbərləri > Şərqi Azərbaycanda koronavirusdan ölənlərin sayı 9-a çatıb
Şərqi Azərbaycanda koronavirusdan ölənlərin sayı 9-a çatıb |
|
Güney Azərbaycan əyalətlərində koronavirus böhranı gün keçdikcə dərinləşir.
Şənbə günü səhər saatlarında yayılan məlumata görə, Şərqi Azərbaycan Əyalətində koronavirusdan ölənlərin sayı 9-a çatıb. Bu barədə Təbriz Tibb Universitetinin rəisi Məhəmməd Hüseyn Somi Səhənd telekanalına məlumat verib. “Koronavirusdan ölənlərin sayına daha bir nəfər əlavə olunub. Şərqi Azərbaycan Əyalətində bu günədək dəqiq olaraq 9 nəfər koronavirusdan ölüb, 87 nəfər isə bu təhlükəli virusa yoluxub.”- deyə o bildirib. Universitet rəisi əyalətdə koronavirusun yayıldığı gündən virusa yoluxmuş 33 nəfərin sağalaraq xəstəxanadan evə buraxıldığını da diqqətə çatdırıb. Məhəmməd Hüseyn Somi artıq virusun əyalətin bütün şəhərlərinə yayıldığını bildirib. O böhrandan qurtulmaq üçün əhalini önləyici tədbirlər almağa və verilən tövsiyyələrə əməl etməyə çağırıb. Qeyd edək ki, qeyri-rəsmi mənbələr Güney Azərbaycan əyalətlərində sözügedən virusa yoluxanların sayının rəsmi statistikadan qat-qat artıq olduğunu bildirir. Lakin rejim bu barədə doğru məlumat vermir. Geri dön |