davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > İraq hökuməti İranla 5 sərhəd keçid məntəqəsini bağlayıb
İraq hökuməti İranla 5 sərhəd keçid məntəqəsini bağlayıb |
|
İraq hökuməti İranla 5 sərhəd-keçid məntəqəsini bağlayıb.
Bu barədə İranın “İsna” agentliyi martın 8-də İraqın “Alsumaria News” saytının yaydığı xəbərə istinadən məlumat yayıb. Məlumatda bildirilir ki, İraq Sərhəd Keçid-Məntəqələri Heyəti dünən bəyanat yayaraq, İraqla İran arasında olan “Şələmçə”, “Şib”, “Zərbatiyə”, “Mənzəriyə” və “Məndəli” sərhəd-keçid məntəqələrinin bağlanmasından xəbər verib. İraq hökuməti bildirib ki, İranda koronavirusun yayılmasının qarşısını almaq üçün həmin məntəqələr martın 8-dən başlayaraq bir həftə müddətinə (martın 15-ə qədər) bağlı olacaq və həmin müddətdə iki ölkə arasındakı bütün gediş-gəlişələr dayandırılacaq. İraq Sərhəd Keçid-Məntəqələri Heyəti-nin yaydığı bəyanatda həmçinin bildirilir ki, İrana səfər etmiş İraq vətəndaşlarının sözügedən 5 məntəqədən ölkəyə girişinə qadağa qoyulub və iraqlılar yalnız Bağdad və ya Bəsrə hava limanından ölkəyə buraxılacaqlar. Geri dön |