Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Hindistanda koronavirusa yoluxanların sayı 100 mini ötüb
davam.az - BÜTÖV AZƏRBAYCAN ADINA! > Gündəm, Sosial > Hindistanda koronavirusa yoluxanların sayı 100 mini ötüb

Hindistanda koronavirusa yoluxanların sayı 100 mini ötüb


Hindistanda ötən sutka ərzində yeni növ koronavirusa (COVID-19) 4970 yoluxma və 134 ölüm qeydə alınıb.

Hindistanın Səhiyyə Nazirliyi xəbər verir ki, bununla da ölkədə yoluxanların ümumi sayı 101 min 139 nəfərə, ölənlərin sayı isə 3163-ə çatıb. Hindistan yoluxanların sayına görə dünya üzrə 11-ci sıradadır. Səhiyyə Nazirliyi indiyədək 40 minə yaxın xəstənin sağaldığını, sağalma göstəricisinin 38 faiz təşkil etdiyini açıqlayıb. Ölənlərin 70 faizindən çoxunda yanaşı xəstəliklər olub. Ən pis vəziyyət Maharaştra, Tamil Nadu, Qucarat ştatlarında və paytaxt Dehlidədır.

Qeyd edək ki, mayın 19-dan Hindistanda xüsusi karantin rejiminin 4-cü mərhələsi başlayıb. Daxili İşlər Nazirliyi mayın 31-dək davam edəcək bu mərhələdə bəzi yumşalmaları elan edib. Bura idman arenaları və stadionlarında yarışların tamaşaçısız təşkili, nəqliyyat vasitələrinin ştatlararası hərəkəti, kafe və restoranların müştərilərə yalnız evlərə və iş yerlərinə çatdırma xidmətləri daxildir. Qatarların və metronun hərəkəti, beynəlxalq və daxili sərnişin uçuşları, bütün tədris ocaqlarının, hotel və digər qonaqlama mərkəzlərinin, teatr və kinoteatrların, ticarət mərkəzlərinin, idman zalları və üzgüçülük hovuzlarının fəaliyyətinə olan qadağalar qüvvədə qalıb. Bundan başqa, zəruri hallar istisna olmaqla, axşam saat 7-dən səhər saat 7-dək insanların küçələrdə hərəkəti qadağandır.

İki aydır davam edən xüsusi karantin rejimi ölkə iqtisadiyyatına böyük təsir göstərib. "Moody" Beynəlxalq Reytinq Agentliyi Hindistan iqtisadiyyatında il ərzində artım olmayacağını proqnozlaşdırıb. Hökumət mayın 10-dan sanitar-gigiyena qaydalarına ciddi əməl etməklə bəzi istehsal müəssisələrinin fəaliyyətini bərpa etməsinə icazə verib

Geri dön