davam.az - BÜTÖV AZƏRBAYCAN ADINA! > Gündəm, Mədəniyyət > “Azərbaycanım” IV respublika uşaq rəsm festivalı çərçivəsində növbəti plener keçiriləcək
“Azərbaycanım” IV respublika uşaq rəsm festivalı çərçivəsində növbəti plener keçiriləcək |
|
Mədəniyyət Nazirliyi, “Azərbaycan Televiziya və Radio Verilişləri” Qapalı Səhmdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə iyunun 9-da saat 10:00-da “Azərbaycanım” IV respublika uşaq rəsm festivalı çərçivəsində uşaqlar üçün plener keçiriləcək.
Plenerdə şəkil çəkmək üçün “Yurdumuza bahar gəlir” adlı uşaq yaradıcılıq müsabiqəsində fərqlənən uşaqlardan bir qrupu dəvət olunub. Xatırladaq ki, “Nizami Gəncəvi İli” çərçivəsində təşkil olunan festivalın məqsədi rəssamlıq istedadına malik olan uşaqlar, yeniyetmə və gənclərin bədii zövqünü inkişaf etdirmək, onların yaradıcılığını stimullaşdırmaq, uşaqlarda əhatə olunduqları mədəni mühitə münasibəti formalaşdırmaq, həmçinin şəhər sakinləri və şəhərimizin qonaqlarının təsviri sənətə olan marağının artmasına xidmət etməkdir. Festival çərçivəsində plenerlərin mütəmadi keçirilməsi nəzərdə tutulub. Plenerlər Xətai Sənət Mərkəzinin qarşısında təşkil olunacaq. Geri dön |