davam.az - BÜTÖV AZƏRBAYCAN ADINA! > Gündəm, Sosial > Dövlət Məşğulluq Agentliyi bu ilin 10 ayında 68,5 min nəfəri işlə təmin edib
Dövlət Məşğulluq Agentliyi bu ilin 10 ayında 68,5 min nəfəri işlə təmin edib |
|
2021-ci ilin yanvar-oktyabr aylarında Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən 68,5 min işsiz və işaxtaran şəxs işlə təmin olunub. Özünüməşğulluq proqramının il ərzində 16 min nəfəri əhatə etməsi nəzərdə tutulub ki, artıq bu ilin 10 ayında onlardan 12625-i proqrama cəlb edilib.
Nazirliyin İctimaiyyətlə əlaqələr və kommunikasiya şöbəsindən verilən məlumata görə, digər məşğulluq xidmətlərində olduğu kimi, özünüməşğulluq proqramının icrasının da rəqəmsal platforması yaradılıb. Proqrama müraciət edənlərin elektron reyestri, qiymətləndirmə əsasında növbəlilik prinsipi tətbiq edilib. Həmçinin proqrama aid e-platforma yaradılaraq, aktiv alanların sənədləri və aktivlərin verilməsi prosesinə aid foto və video çəkilişlər ictimaiyyətə açıqlanır. Geri dön |