davam.az - BÜTÖV AZƏRBAYCAN ADINA! > Gündəm, İdman > U-17 Avropa çempionatında güləşçilərimiz 4 qızıl və 3 bürünc medal əldə ediblər
U-17 Avropa çempionatında güləşçilərimiz 4 qızıl və 3 bürünc medal əldə ediblər |
|
Albaniyanın paytaxtı Tiranada güləş üzrə U-17 Avropa çempionatına yekun vurulub.
Azərbaycan Güləş Federasiyasından bildirilib ki, sərbəst güləş üzrə millimizin 10 üzvündən 7-si fəxri kürsüyə qalxıb. Dörd qızıl və üç bürünc medal əldə edən yığmamız medalların əyarına görə, bütün ölkələri qabaqlayıb. Müqayisə üçün qeyd edək ki, ən yaxın izləyicimiz olan Gürcüstan 2 qızıl, 1 gümüş və 4 bürünc medal qazanıb. Millimiz xal sistemi üzrə sıralamada isə 155 xalla ikinci yeri tutub. Cəfər Cəfərov (45 kq), Hacı Kərimov (55 kq), Camal Abbasov (60 kq), Yusif Dursunov (110 kq), Seyhun Əlizadə (51 kq), Mirzəağa Axundov (65 kq) və İsmayıl Rəhimli (71 kq) komandamıza medal qazandırıblar. Geri dön |