davam.az - BÜTÖV AZƏRBAYCAN ADINA! > Gündəm, Bildiriş > Bakıda “Kənddən Şəhərə” həftəsonu yarmarkası keçiriləcək
Bakıda “Kənddən Şəhərə” həftəsonu yarmarkası keçiriləcək |
|
Kənd Təsərrüfatı Nazirliyi tərəfindən fevralın 3-4-də Bakıda “Kənddən Şəhərə” həftəsonu yarmarkası təşkil olunacaq.
Nazirlikdən bildirilib ki, yarmarkada, ümumilikdə 20 regiondan 40-dan çox fermerin iştirakı gözlənilir. Fermerlər 90-a yaxın çeşiddə kənd təsərrüfatı və qida məhsullarının satışını həyata keçirəcəklər. Nərimanov rayonu, Fətəli xan Xoyski küçəsi, 5 (metronun “Gənclik” stansiyasının çıxışı) ünvanında fəaliyyət göstərəcək yarmarkada məhsullar birbaşa fermerlər tərəfindən satışa çıxarılacaq. Məhsulların kеyfiyyətinə Azərbaycan Qida Təhlükəsizliyi Agentliyi nəzarət edəcək. Vətəndaşlar satışa çıxarılan istənilən məhsulun keyfiyyət göstəricilərini öyrənmək üçün Səyyar Qida laboratoriyasının xidmətlərindən faydalana bilərlər. Yarmarkanın keçirilməsində əsas məqsəd təsərrüfat sahibləri üçün alternativ satış kanalı yaratmaq, həmçinin şəhər sakinlərini yerli və təbii kənd məhsulları ilə dolğun şəkildə təmin etməkdir. “Kənddən Şəhərə” yarmarkalarında iştirak etmək istəyən fermerlər +994 50 400 88 99 çağrı mərkəzi ilə əlaqə saxlaya və ya yarmarkanın sosial şəbəkə hesabları üzərindən müraciət edə bilərlər. Geri dön |