davam.az - BÜTÖV AZƏRBAYCAN ADINA! > Gündəm, İdman > Avropa çempionatında 1 boksçumuz 1/2, 2-si 1/4 finalda
Avropa çempionatında 1 boksçumuz 1/2, 2-si 1/4 finalda |
|
Serbiyanın paytaxtı Belqradda boks üzrə Avropa çempionatı davam edir.
Yarışın 5-ci günündə Azərbaycan millisinin daha 3 üzvü çıxışını qələbə ilə başa vurub. Zeynəb Rəhimova (52 kq) 1/8 finalda Nikola Primaçenkonu (Polşa) sınağa çəkib. Hər 3 raundda üstün olan boksçumuz yekunda 5:0 (29:28, 29:28, 29:28, 29:28, 30:27) hesabı ilə qələbə qazanıb. O, aprelin 23-də Venelina Poptoleva (Bolqarıstan) ilə döyüşəcək. Məhsəti Həmzəyeva da ilk qarşılaşmasını aktivinə yazıb. 57 kq-da çıxış edən idmançı 1/8 finalda Rebeka Dobosu (Macarıstan) məğlub edib – 5:0 (30:27, 30:27, 30:26, 30:25, 30:27). Həmzəyeva 1/4 finalda Svetlana Kamenova (Bolqarıstan) ilə üz-üzə gələcək. Görüş aprelin 23-nə təsadüf edəcək. Yığmamızın lideri Alfonso Dominqes (92 kq) isə adını yarımfinala yazdırıb. Dünya çempionumuz 1/4 finalda isralilli Yan Zaka 4:3 hesabı ilə qalib gəlib. O, yarımfinala vəsiqə ilə özü üçün azı bürünc medalı təmin edib. Dominqes növbəti görüşünü aprelin 25-də keçirəcək. Qeyd edək ki, bu gün Anaxanım İsmayılova (48 kq) da Lusine Gevorqyanı (Ermənistan) mübarizədən kənarlaşdıraraq 1/4 finalda iştirak hüququ qazanıb. Geri dön |