Şrift:
Urmiya zindanında saxlanılan 3 məhkumun 4 barmağının kəsilməsi ilə bağlı çıxarılan hökm təsdiq edilib
28.06.2020 [12:09] - Güney Azərbaycan xəbərləri, Güney Azərbaycan-Təbriz
Yayılan məlumata əsasən, beş il əvvəl həbs edilən və miliyyətcə kürd olduqları təxmin edilən məhkumlar Hadi Rüstəmi, Mehdi Şahivənd və Mehdi Şərifiyan bir neçə oğurluqda günahlandırılırlar.


Urmiya inqilab məhkəməsinin çıxardığı və İran Ali Məhkəməsinin təsdiq etdiyi hökmə əsasən, dörd oğurluq faktına görə həbs edilən hər üç məhkum sağ əllərinin 4 barmağı dibdən kəsiləcək.


İran Ali Məhkəməsinin 13-cü şöbəsinin sədri Əli Şuştəri mediaya açıqlamasında deyib ki, İrandakı İslam Cəza Qanununun 268-ci maddəsinə əsasən, baş barmaq çıxmaq şərtilə hər üç məhkumun sağ əllərindəki dörd barmağı kəsilməlidir.


Qeyd edək ki, İran məhkəmələrinin vaxtaşırı İŞİD sayağı bəzi məhkumlara qarşı çıxardığı qeyri-insani hökmlər beynəlxalq qurumların kəskin etirazına səbəb olsa da, İran rejimi inqilab məhkəmələrinin çıxardığı bu kimi vəhşi hökmlərin icrasına israr edir.
Bu xəbər oxucular tərəfindən 331 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed