İsrail-Livan sərhədindəki Meys-əl-Cəbəl və Blida yaşayış məntəqələrinin üzərində bu gecə İsrail helikopterləri peyda olublar. Helikopterlər Livanın Bint-Cbeyl şəhəri ətrafındakı ərazinin üzəri ilə uçublar. Bu barədə «Lübnan əlğ-En» agentliyi məlumat yayıb.

Şahidlər isə Livanın Bir-Mazraa məntəqəsinin pulemyotlardan atəşə tutulduğunu, Maron ər-Ras və Yarun məntəqələrinə doğru isə İsrail tank kolonunun hərəkət etdiyini bildirirlər.

Son günlər İsrail ərazisi Livanın sərhədyanı məntəqələrindən dəfələrlə raket atəşinə tutulub.