“İran heç bir halda neftini ucuz qiymətə və nisyə satmaq niyyətində deyil”. Bu barədə İran Milli Neft Şirkətinin beynəlxalq məsələlər üzrə müdiri Möhsün Qəmsəri jurnalistlərə açıqlamasında deyib.

Onun sözlərinə görə, ölkəyə qarşı tətbiq edilən sanksiyalara baxmayaraq, dünya bazarında hələ də İran neftinin alıcısı var: “İran neftini ucuz və nisyə satmağı düşünmür. Hətta dünyada baş verən iqtisadi böhran bizə neftimizi baha qiymətə satmağa imkan verir”.

M.Qəmsəri onu da vurğulayıb ki, əgər İran neftinə sanksiya tətbiq edilsə, dünya bazarında çox böyük hadisələr baş verəcək.