Fransa Senatında təmsil olunan Avropa Demokratik Sosialist Məclisi fraksiyası “erməni soyqırımı” ilə bağlı qanunun əleyhinə səs verəcək
Fransa Senatında təmsil olunan Avropa Demokratik Sosialist Məclisi fraksiyası “erməni soyqırımının” inkarına görə cinayət məsuliyyəti nəzərdə tutan qanun layihəsinin əleyhinə səs verəcəyini bəyan edib.bu barədə “France-Presse” agentliyi məlumat yayıb. Fraksiyanı təmsil edən 16 senator hesab edir ki, qanunverici orqan bu cür mübahisələrə qoşulmamalı və heç kəsi cinayət məsuliyyətinə cəlb etmək üçün əsas verməməlidir. Fransa Senatında qeyd olunan qanun layihəsi ilə bağlı dinləmələr yanvarın 23-ə təyin edilib. Xatırladaq ki, 22 dekabr 2011-ci il tarixində Fransa Milli Assambleyası “erməni soyqırmı”nın inkarına görə cinayət məsuliyyəti nəzərdə tutan qanun layihəsi qəbul edərək təsdiqləmək üçün Senata göndərib.