İranda Azərbaycan milli kimliyi uğrunda dinc mübarizə aparan fəal, Səid Sadeqifər Ərdəbilin Apellyasiya məhkəməsinə çağırılıb.
Fəala göndərilmiş çağırış vərəqəsində bildirilir ki, o, ETTELAAT-ın şikayəti ilə əlaqədar ifadə vermək üçün fevralın 23-də (İsfəndin 4-də) Ərdəbil Apellyasiya Məhkəməsinə gəlməlidir.

Qeyd edək ki, ərdəbilli fəal Səid Sadeqifər İran Dövlət Televiziyasından yayımlanan “Fitilə” adlı proqramda azərbaycanlıların açıq şəkildə təhqir olunmasından sonra irqçiliyə qarşı etirazlara qatıldığına görə noyabrın 6-da (abanın 18-də) tutulmuşdu. Fəal, bir neçə həftə saxlanıldıqdan sonra mülk girovu qarşılığında müvəqqəti olaraq azadlığa buraxılmışdı. Xatırladaq ki, Səid Sadeqifər milli zəmində apardığı dinc fəaliyyətinə görə bundan əvvəl də bir neçə dəfə tutulub.