Şrift:
Niftalı Göyçəlinin - Miskin Abdal və səfəvilər - kitabı çapdan çıxıb. (yeni nəşr)
06.12.2018 [09:25] - Xəbərlər, Mədəniyyət, Türkün şanlı tarixi, Kitab evi, DAVAMın yazıları
Bu kitabda Səfəvilərin böyük dövlət xadimi və ideoloqu, Şah İsmayıl Xətainin
mürşidi, dövrünün tanınmış diplomatı, hərbi sərkərdə, təsəvvüf mütəfəkkiri,
din və elm xadimi, filosof, sufi şair, Haqq aşiqliyi sənətinin (aşıqlığın)
əsasını qoymuş, çoxsaylı sufi-təsəvvüf musiqiləri – aşıq havalarının müəllifi,
Qeyb Ərəni (Ricalül-Qeyb), Pir, Övliya, Allahdan əta edilmiş böyük möcüzələr,
kəramətlər və müqəddəs «Ocaq» sahibi, tarixi şəxsiyyət, 1430-1535-ci illərdə
yaşamış, bəşəriyyətin beşiyi, tarixi Oğuz yurdu – Göyçə mahalının Zərgərli (Sarıyaqub)
kəndindən olan Miskin Abdalın – Seyyid Hüseyn Məhəmməd oğlunun
Səfəvilər dövlətinin yaradılması və inkişafında göstərdiyi misilsiz xidmətlərinə
həsr olunmuş Niftalı Göyçəlinin «Miskin Abdal və Səfəvilər dövləti» tarixi-elmi
məqaləsi, Miskin Abdalın oğlu Şadmanın nəslinin tanınmış nümayəndəsi
Tofiq Hüseynzadənin 2005-2006-cı illərdə yazdığı «Miskin Abdal – Qeyb Ərəni,
Təsəvvüf Piri» elmi-tədqiqat əsərindən seçmələr, Miskin Abdalın şeirləri,
Niftalı Göyçəli tərəfindən əldə olunmuş, ilk dəfədir nəşr olunan “Bilir Zəvvar”
şeiri və “Dağlar” gəraylısı, onun təcnis və bəzi şeirlərinə nəzəri yanaşmalar, təhlillər
yer almış, «Miskin Abdal və Sənubər» dastanı da kitaba daxil edilmişdir.

KİTABI PDF FORMATDA BURADAN OXUYA VƏ YA ENDİRƏ BİLƏRSİNİZ:
niftali-goyceli-mskn-abdal-ve-sefevler.pdf [3,7 Mb] (Yüklənib: 45)
Bu xəbər oxucular tərəfindən 224 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed