Erməni diaspor təşkilatının rəhbəri Harut Sassouniyan Anadolu torpaqlarının könüllü verilməyəcəyini bildirib.

"Milliyət" qəzetinin verdiyi məlumata görə, ABŞ-da (Amerika Birləşmiş Ştatları) Erməni diaspor təşkilatının rəhbəri Harut Sassouniyan, "Armenian Weekly" qəzetinə verdiyi müsahibəsində Türkiyədən ərazi tələbində olduğunu açıqlayıb. Ermənilərin "Qərbi Ermənistan" dediyi Şərqi Anadolu torpaqlarının Ermənistana verilməsindən danışan işğalçı rejimin nümayəndəsi, bunun üçün xalqının fürsət gözləməli olduğunu bildirib.

Qeyd edək ki, Erməni diaspor təşkilatının rəhbəri Harut Sassouniyan Anadolu torpaqlarının könüllü verilməyəcəyini bildirib və bunun üçün mübarizə aparmağın lazım olduğunu vurğulayıb. "Heç bir erməni torpaqların könüllü şəkildə veriləcəyi illüziyasına (təvəhhom) qapılmamalıdır. Torpaqlar ümumiyyətlə güclə alınır. Ermənistan hərbi sahədə Türkiyədən zəyif olduğu üçün bu ölkədə baş verəcək inqilab, vətəndaş müharibəsi, bölgəsəl qarşıdurmalar, Kürd üsyanı, təbii fəlakətlər kimi qarışıqlıq yaradacaq hadisələrə ümid etməliyik. Hüquqi haqqların tələb olunacağı günə qədər, ermənilər bu istəklərini nəsildən nəsilə söyləməlidir."-deyə Harut Sassouniyan əlavə edib.