Güney Azərbaycanın “Traxtur” futbol komandası bazar ərtəsi günü Mazandaranın təmsilçisi ilə Qaimşəhrdə qarşılaşacaq.

İran üzrə futbol klublarının super liqa yarışlarının 7-ci həftəsində keçiriləcək görüşdə Azərbaycan komandası “Nəssaci”nin qonağı olacaq.

Görüş oktyabrın 21-i Təbriz vaxtı ilə saat 15:30-da Qaimşəhrin Vətəni stadionunda başlayacaq.

“Traxtur”-“Nəssaci” görüşünü GünAz TV ekranından canlı olaraq izləyə bilərsiniz.

İdman saytlarında yayılan məlumata görə, “Traxtur”un zədəli oyunçuları Əşkan Dejaqe və Rza Şikari “Nəssaci” ilə görüşdə iştirak edə bilıməyəcəklər.

N.S